Gruaja e parë me ngjyrë, portreti i së cilës shtypet në monedhë
Nga Besmira Pelushaj Përditësimi i fundit 11 Janar 2022, 13:52
Poetja amerikane, Maya Angelou, bëhet gruaja e parë me ngjyrë, portreti i së cilës shtypet në monedhë. Thesari i SHBA-së ka prerë monedha 25-centëshe, të njohura si çerek, në emër të poetes Angelou.
Në këtë mënyrë, Shtetet e Bashkuara pritet të festojnë arritjet e grave të mëdha amerikane.
Poetja dhe aktivistja, Maya Angelou Angelou, ishte gruaja e parë me ngjyrë që shkroi dhe interpretoi një poezi në inaugurimin presidencial të Bill Clinton në vitin 1993. Si pjesë e programit "American Women Quarters", është planifikuar të shtypen edhe monedha për gra të tjera si astronautja Sally Ride dhe një aktore.
The first coin of the American Women Quarters™ Program is here—the Maya Angelou Quarter! Learn about honoree Maya Angelou and #HerQuarter in our press release at https://t.co/yYzGJpXQDD. Look for it in your change. @USTreasury @smithsonian @womenshistory @DrMayaAngelou @WCPInst pic.twitter.com/GVUpcnbszq
— United States Mint (@usmint) January 10, 2022
"Sa herë që ridizajnojmë monedhën tonë, ne kemi mundësinë të themi diçka për vendin tonë - atë që vlerësojmë dhe si kemi përparuar si shoqëri," tha Janet Yellen, sekretarja e parë femër e thesarit në vend.
Angelou fitoi famë me autobiografinë e saj novatore në vitin 1969. Ajo mori dhjetëra diploma nderi dhe shkroi mbi 30 vepra bestseller. Në vitin 2010, asaj iu dha një Medalje Presidenciale e Lirisë - çmimi më i lartë civil amerikan - nga Presidenti Barack Obama. Aktivistja sociale, poetja dhe shkrimtarja Maya Angelou vdiq në vitin 2014 në moshën 86-vjeçare.
Edhe gra të tjera janë paraqitur në monedhat amerikane. Në shekullin e 19-të, Zonja e Parë e SHBA-së, Marta Uashington, ishte në certifikatën e argjendtë prej 1 dollarësh dhe heroina amerikane Pocahontas ishte në një fotografi grupi në kartëmonedhën prej 20 dollarësh.
