Koreja e Veriut lëshon raketën e dytë të dyshuar brenda një jave

Nga OraNews Përditësimi i fundit 11 Janar 2022, 08:16

Koreja e Veriut  ka lëshuar një raketë të dytë të dyshuar në lindje të detit të gadishullit, sipas shtabit të përgjithshëm të Koresë së Jugut, të cituar nga agjencia e lajmeve Koresë së Jugut kombëtare Yonhap.

Koreja e Jugut tha se zbuloi lëshimin në orën 07:27 me orën lokale të së martës .

Roja bregdetare e Japonisë raportoi gjithashtu lëshimin, duke thënë se Koreja e Veriut kishte gjuajtur një "objekt të ngjashëm me raketën balistike".

Ky veprim vjen menjëherë pasi gjashtë vende lëshuan një deklaratë duke i kërkuar veriut të pushojë "veprimet destabilizuese".

"Ushtria jonë zbuloi një raketë balistike të dyshuar të lëshuar nga Koreja e Veriut nga toka në drejtim të Detit Lindor," tha shefi i përbashkët i shtabit të Koresë së Jugut (JCS), duke shtuar se autoritetet e inteligjencës nga Koreja e Jugut dhe SHBA janë në proces të kryerjes së një analize të detajuar.

Lëshimi i fundit nënvizon zotimin e udhëheqësit të Koresë së Veriut Kim Jong-un për të forcuar mbrojtjen e vendit si pjesë e prioriteteve të politikës së tij për vitin 2022, të cilat u përshkruan gjatë një takimi kyç në dhjetor.

Të hënën, misioni i SHBA-së në Kombet e Bashkuara, së bashku me Francën, Republikën Irlandeze, Japoninë, Mbretërinë e Bashkuar dhe Shqipërinë, lëshuan një deklaratë të përbashkët duke dënuar testimin  e dukshëm të raketës javën e kaluar.

"Këto veprime rrisin rrezikun dhe përbëjnë një kërcënim të rëndësishëm për stabilitetin rajonal," tha ambasadorja e SHBA në OKB Linda Thomas-Greenfield.

Grupi i bëri thirrje Koresë së Veriut "të përmbahet nga veprimet e mëtejshme destabilizuese... dhe të angazhohet në dialog kuptimplotë drejt qëllimit tonë të përbashkët për denuklearizimin e plotë".