U vetëvar në qelinë e burgut në Itali, Ora News mëson identitetin e shqiptarit, i dënuar për drogë
Nga Alba Kepi Përditësimi i fundit 1 Janar 2022, 19:28
RTV Ora e Ora News ka zbardhur identitetin e të dënuarit shqiptar, i cili u gjet i vetëvarur në burgun e Salernos në Itali.
Pas një bisede me garantin e Policisë së burgjeve të rajonit të Salernos, gazetarja e RTV Ora e Ora News në Romë, ka mësuar se shqiptari i vetëvarur quhet Arben.A datëlindja 2/08/ 1993.
Vetëm pak muaj më parë ai kishte mbushur 28 vjeç.
Ahmeti ishte i dënuar për trafik droge e ishte dhe një përdorues droge.
Prej disa muajsh ndodhej në burgun e Salernos, pas vendimit përfundimtar të gjyqit ndaj tij, i cili e dënonte me heqje lirie deri në mes të vitit 2023.
Para se të futej në burgun e Salernos, viktima shqiptare ndodhej nën urdhër arrest shtëpiak me byzylyk elektronik.
Sipas verifikimeve të bëra nga drejtoria e burgut të Salernos, shqiptari kryente video-thirrje të rregullta me familjarët e babain e tij në Shqipëri.
Shqiptari Ahmeti u gjet i vetëvarur në hekurat e qelisë së burgut të Salernos ku qëndonte i vetëm.
Ai është viktima e parë e vetëvrarë në burgjet italiane për vitin 2022.
Gjatë vitit 2021 në burgjet italiane janë regjistruar 54 vetëvrasje, ndërsa në vitin 2020 62.
Viti më dramatik ka qënë 2018, ku numri i të burgosurve të vetëvrarë arriti në 67.
