Basha mbledh sot Këshillin Kombëtar
Nga OraNews Përditësimi i fundit 23 Dhjetor 2021, 09:10
Pas incidentit të ndodhur në selinë blu, duket se në ambientet e Partisë Demokratike është rritur siguria.
Pak ditë pas hyrjes së ish-kryeministrit Sali Berisha në zyrat e Partisë Demokratike dhe shkelmimit të derës së zyrës nga mbështetësi i tij, në selinë blu janë marrë masa.
Në ambientet e jashtme të Partisë Demokratike ka filluar një kontroll për kamerat e sigurisë, duke rregulluar ato që ishin jashtë funksionit.
Ndërkohë, Lulzim Basha do të mbledhë sot Këshillin Kombëtar.
Mbledhja pritet të zhvillohet në orën 17:30 dhe do të shqyrtohen vendimet e Kuvendit të Partisë Demokratike të 18 dhjetori.
Një nga vendimet e marra është edhe largimi i ish-kryeministrit Sali Berishës nga të gjitha funksionet e Partisë Demokratike.
Nga ana tjetër, ish-kryeministri Sali Berisha ka vijuar akuzat ndaj liderit demokrat Lulzim Basha.
Me anë të një postimi në rrjetet sociale, ai u shpreh, se Basha është duke humbur arsyen çdo ditë që kalon edhe më shumë.
Berisha theksoi, se ishin të qarta të gjitha votat e demokratëve që votuan shkarkimin e liderit demokrat në 18 dhjetor.
