"Lëkura binte nga krahët e djegur", 23-vjeçarja dënohet me 10 vite burg, derdhi ujë të përvëluar mbi të dashurin teksa flinte
Nga OraNews Përditësimi i fundit 22 Dhjetor 2021, 09:19
Një grua nga Illinois, SHBA është dënuar me 10 vite burg pasi derdhi ujë të përvëluar mbi të dashurin e saj teksa ai flinte.
Gruaja filmoi gjithçka dhe e postoi sulmin në Snapchat. Alexis Sykes, 23 vjeç, nga Roselle, vazhdoi të përshkruajë se si lëkura ra nga krahët e tij të djegur, duke shtuar se i dashuri ju lut që ta çonte në spital, ndërsa ajo fshehu çelësat e makinës.
Viktima, emri i të cilit nuk bëhet me dije gjeti çelësat e makinës dhe arriti të shkonteë vetë në spital.
Sykes arriti të ikte në Oktibbeha ku u arrestua nga policia, tha të martën, 21 dhjetor prokurori Robert Berlin.
Sykes u dënua me 10 vite burg pasi u deklarua fajtore.
Viktima u transportua në njësinë e djegieve të Qendrës Mjekësore të Universitetit Loyola, ku kaloi dy javë duke u rikuperuar.
Autoritetet thanë se ai iu nënshtrua një operacioni të transplantit të lëkurës, shkruan DailyMail.
Nuk dihet arsyeja që 23-vjeçarja derdhi ujë të nxehtë mbi të dashurin teksa ai flinte.
