“Të forcohet bashkëpunimi me OSBE-në ”Xhaçka: Të punojmë më shumë për gratë, paqen e sigurinë
Nga OraNews Përditësimi i fundit 17 Dhjetor 2021, 21:33
“Shqipëria duhet forcoje bashkëpunimin me OSBE-së” deklaroi ministrja Xhacka gjate pritjes se fundvitit te organizuar nga ambasadori Vincenzo del Monaco, i cili vlerësoi rolin e vendit tone ne Këshillin e Sigurimit te OKB-së.
Ministrja e jashtme, Olta Xhaçka e konsideroi të rëndësishëm rolin e Prezencës së OSBE në Shqipëri në ndërtimin e shtetit modern e të bazuar në sundimi i ligjit.
Në pritjen e fundvitit organizuar nga OSBE, Xhaçka kërkoi rritjen e bashkëpunimit edhe në kuadër të Axhendës për Gratë, Paqen dhe Sigurinë.
“Ky është një nga prioritetet tona në Këshillin e Sigurimit dhe vazhdon të jetë një prioritet në axhendën tonë të brendshme. Prezenca ka luajtur një rol të posaçëm në zbatimin e kësaj axhendë.”
Ambasadori i OSBE Vincenzo Del Monaco tha se marrëdhëniet e mira diplomatike Shqipëria do të dijë t`i pasqyrojë edhe gjatë detyrës në Këshillin e Sigurisë së OKB-së.
“Dialogu ynë intensiv dhe i hapur pasqyron marrëdhënien tonë. Ne nuk jemi të huaj, por pjesa e juaj.”
Ceremonia e fundvitit bëri bashkë në Pallatin e Brigadave trupin diplomatik të akredituar në Shqipëri, përfaqësuesit e politikës dhe komuniteteve fetare.
