Vishuni trashë, moti i kthjellët por i ftohtë
Nga OraNews Përditësimi i fundit 16 Dhjetor 2021, 07:56
Vijon ndikimi i masave të ftohta dhe të thata me origjinë kontinentale duke sjellë në vendin tonë, mot të kthjellët por të ftohtë.
Orët e pasdites sjellin kalime vranësirash të lehta nëpër të gjithë territorin ku më të dukshme paraqiten në zonat malore juglindore.
Të njëjtat kushte atmosferike do të na shoqërojne gjatë natës dhe deri mëngjesin pasardhes.
Sipas MeteoAlb, temperaturat e ajrit nuk do të pësojnë ndryshime të dukshme duke bërë që vlerat minimale dhe maksimale të luhaten nga -5°C deri në 13°C.
Era do të fryjë e lehte dhe mesatare me shpejtësi 35 km/h verior- verilindor duke gjeneruar ne brigjet detare dallgëzim 2 ballë.
