Ilaçe të falsifikuara kundër Covid/ EUROPOL vë në pranga 544 persona, sekuestrohen 60 milionë euro
Nga OraNews Përditësimi i fundit 14 Dhjetor 2021, 19:50
EUROPOl finalizoi operacionin "Shield II" kundër biznesit të paligjshëm të falsifikimit të ilaçeve dhe vuri në pranga 544 persona. Operacioni i kryer në të gjithë kontinentin evropian nga 1 prilli deri më 15 në tetor, çoi në sekuestrimin e barnave të falsifikuara me vlerë rreth 63 milion euro.
"Abuzimi paraqet një kërcënim të rëndësishëm për shëndetin e përdoruesve. Akoma më e madhe është ajo që vjen nga përdorimi i medikamenteve të falsifikuara. Të krijuara në laboratorë nëntokësorë pa procedura higjienike apo sigurie, këto produkte shpesh përmbajnë përbërës të dëmshëm. Që nga fillimi i pandemisë COVID-19, kriminelët kanë investuar më tej përpjekjet në falsifikimin e ilaçeve që janë në kërkesën më të madhe. Për të rritur fitimet e tyre, rrjetet kriminale janë përqendruar në shpërndarjen e "kurave për virusin Covid" të rreme dhe falsifikimin e pajisjeve mjekësore dhe dezinfektuesve, të cilët më pas shiten online."
Gjatë Operacionit Mburoja II, oficerët e zbatimit të ligjit shënjestruan grupe kriminale që trafikonin substanca dopingu (rregullatorë hormonalë dhe metabolikë) dhe medikamente të ndryshme si ilaçe kundër kancerit, ilaçe për mosfunksionimin e ereksionit, qetësues kundër dhimbjeve, antiviralë dhe ilaçe të ndryshme.
Operacioni "Shield II"
- Konfiskimet me vlerë afro 63 milionë euro
-Më shumë se 25 milionë njësi ilaçesh dhe substancash dopingu të sekuestruara
-Arrestohen 544 të dyshuar
-634 persona u raportuan në organet gjyqësore
-Janë hetuar 33 grupe të krimit të organizuar
-37 kompani të hetuara
-Sekuestrohen 5 laboratorë klandestinë
-283 faqe interneti u mbyllën
-1029 faqe interneti po monitorohen
-1397 çështje gjyqësore të hapura
-2809 atletë të kontrolluar 'në garë' (28 pozitive)
-3 919 atletë kontrolluan 'jashtë garës (4 pozitive)
