Tornadot vdekjeprurëse në Amerikë/ Pamje nga rrënojat e kishës 100-vjeçare që u shemb brenda sekondave
Nga OraNews Përditësimi i fundit 13 Dhjetor 2021, 08:02
Që prej 10 dhjetorit, Amerika qendrore dhe jugore është goditur nga tornadot të fuqishme, duke shkaktuar mbi 80 viktima, ndërsa dëmet materiale janë të katastrofike.
BBC ka publikuar pamjet nga rrënojat e një kishe 100-vjeçare, e cila u shemb brenda pak sekondave nga tornadot vdekjeprurëse.
Kisha ndodhet ne epiqendrën e tornadove, në zonën e Kentaki.
Presidenti i SHBA Joe Biden foli për "një seri tornadosh nga më të këqijat" në historinë e SHBA-së dhe një "tragjedi të papërshkruar", ndërsa e shpalli Kentakin (epiqendrën e tornadove) në gjendje të jashtëzakonshme.
Guvernatori, Andy Besiar , tha se tornadot që ndodhën në Kentaki janë më shkatërruesit në historinë e tij.
"Nuk mund ta krahasoj me asgjë tjetër që kam parë në jetën time, e kam të vështirë ta përshkruaj me fjalë," tha ai në një konferencë shtypi.
"Ka shumë gjasa që më shumë se 100 njerëz të jenë vrarë këtu në Kentaki."
Ndërkohë, operacionet e kërkim-shpëtimit janë të përqendruara në Mayfield , një qytet në kufirin e Kentakit me Illinois, Missouri dhe Arkansas.
