Dietologia Kalleshi shpjegon si ta dallojmë alergjinë nga reaksionet ushqimore
Nga OraNews Përditësimi i fundit 3 Dhjetor 2021, 19:26
Zonja nga Elbasani Xhevahire Vaja, rrëfeu këtë pasdite në emisionin “Jeto me Orën” në RTV Ora, sesi kishte rënë 35 kile nga 135 kg që ishte më parë, në vetëm 8 muaj nga dieta ushqimore.
“Kam qenë 135 kg, dhe kam humbur 35 kg vetëm në tetë muaj. Pasi bëra testin e intolerancës ushqimore, më dolën që kripërat dhe yndyrnat i kisha të larta. Konsumoj 5 vakte në ditë dhe nuk është se lej diçka mangët në marrjen e vlerave ushqyese. Ushqimet që përdor janë integrale, si orizi, makaronat etj. Unë jam intoleranc ndaj yndyrnave, kriprave dhe produkteve të bylmetit. Në fillim vaktet mbanin smuth lëngjet e frutave, dreka me fruta të thata 5 bajame dhe 3 lajthi dhe më pas mish pule, mbasditja ishte një frut”, u shpreh Xhevahire Vaja.
Gjithashtu më tepër rreth intolerancës ushqimore dhe dietave tek njerëzit në studio ishte e ftuar edhe dietologia Anila Kallashi. Ajo u shpreh se produktet që shfaqin intolerancë janë të ndryshme, ku dhe renditi shtatë prej tyre: “Frutat e thata, laktoza, veza, gluteni, misri, sheqernat e përpunuar, disa lloje vajrash, kikiriku, etj”.
Ndër të tjera Kallashi theksoi se është shumë e rëndësishme që të studiohet psikologjia e njerëzve, përpara se t’u përcaktosh dietat. Pasi sipas saj varet sa e përballojnë këtë të fundit.
“Intoleranca ushqimore është në variante të ndryshme, bëhet nëpërmjet gjakut, pështymës dhe me fijet e flokëve. Studimi psikologjik i pacientëve është shumë i rëndësishëm për të ndjekur një dietë dhe regjim ushqimorë, pasi duhet të kuptojmë nëse e përballojnë apo jo regjimin ushqimorë”, u shpreh Kallashi.
