Dëbora bllokon 60 persona brenda një “Pub-i” tre ditë të ngujuar
Nga OraNews Përditësimi i fundit 29 Nëntor 2021, 21:50
Mbi 60 persona po qëndrojnë të ngujuar për të tretën ditë me radhë brenda një pub në Britani të Madhe, pasi dëbora ka bllokuar dyert e dritaret, e si pasojë nuk mund ta dalin jashtë.
“Pub-i” Tan Hill Inn gjendet rreth 528 metra në lartësi mbidetare, rreth 430 kilometra në veri të Londrës.
Sipas mediave të huaja, personat që kanë mbetur brenda, po argëtoheshin nën tingujt e rok bendit Oasis, por nuk kanë parë se reshjet e dëborës ishin të shumta.
Ata kanë mbetur të bllokuar që nga mbrëmja e së premtes.
Megjithatë është bërë e ditur se të gjithë personat janë në gjendje të mirë shëndetësore, dhe se sipas të gjitha gjasave ata do të nxirren sonte pasi që të pastrohen rrugë.
