Makron bën dozën e tretë të vaksinës kundër Covid-19

Nga OraNews Përditësimi i fundit 29 Nëntor 2021, 11:49

Presidenti francez, Emanuel Makron, ka bërë dozën e tretë përforcuese kundër Covid-10. Lajmin e ka bërë të ditur vetë presidenti, nëpërmjet një postimi në Twitter.

Dozën e dytë kundër Covid-19, presidenti e bëri më 31 maj, dhe gati gjashtë muaj më vonë bëri dozën përforcuese.

Platforma për dozën përforcuese për të gjithë të rriturit u hap të shtunën, 27 nëntor, me presidentin francez që ishte një nga të parët që nxitoi për dozën e tretë të vaksinës së koronavirusit , sipas rrjeteve franceze "BFMTV" dhe "Le Figaro".

Ndërsa vala e pestë e pandemisë po godet Francën, Makron u bëri thirrje francezëve sot, që të vaksinohen dhe të marrin dozën përforcuese.