Shpërthimi i makinës para spitalit në Liverpool, arrestohen 3 persona
Nga OraNews Përditësimi i fundit 15 Nëntor 2021, 08:40
Oficerët e anti-terrorit arrestuan tre persona pas shpërthimit të një makine jashtë një spitalin në Liverpool, Angli veriore.
Nga shpërthimi mbeti i vdekur një person, ndërsa një tjetër u plagos, tha policia, duke shtuar se janë duke kryer hetimet.
Shpërthimi ndodhi të dielën, 14 nëntor.
Sipas policisë, pasagjeri që ndodhej në makinë është shpallur i vdekur në vendngjarje, ndërsa drejtuesi i mjetit, i cili gjithashtu, ka mbetur i plagosur dhe ndodhet në spital në gjendje të qendrueshme.
Ministrja e Brendshme britanike, Priti Patel , ha në një postim në Twitter se është duke u përditësuar rregullisht për incidentin.
Tre burra, 29, 26 dhe 21 vjeç, u arrestuan në zonën e Kensington të qytetit, tha policia në një deklaratë.
Nga hetimet policia kuptoi se makina e përfshirë nga flakët ishte një taksi që ndaloi para spitalit, pak para se të ndodhte shpërthimi.
Megjithatë, policia thotë se shpërthimi nuk është shpallur një incident terrorist në këtë fazë.
