Kryebashkiaku i Mallakastrës merret i pandehur nga SPAK, reagon PD: Drejt pastrimit të politikës
Nga OraNews Përditësimi i fundit 1 Nëntor 2021, 17:02
Pastia Demokratike ka reaguar pasi SPAK ka marrë të pandehur Kryebashkiakun e Mallakastër Qerim Ismailaj.
Sekretari i Përgjithshëm i PD, Gazment Bardhi në një postim që ka bërë në rrjetet sociale, shruan se marrja si i pandeur i Ismailajt është një akt i mirëpritur drejt pastrimit të politikës.
Bardhi shprehet se Rama futi në politikë modelin e politikatit gangster që rri në pushtet në aleancë me krimin, ndërsa shton se PD ka bërë detyrën ndaj qytetarëve.
Postimi i plotë:
Marrja si i pandehur i uzurpuesit ilegjitim të Bashkisë së Mallakastrës është një akt i mirëpritur drejt pastrimit të politikës. Me kallëzimin tonë në SPAK, pasi treguam me dokumenta se mandati i tij ishte i paligjshëm, PD bëri vetëm detyrën ndaj qytetarëve. Ne i qendrojmë bindjes sonë se mund të ecim përpara drejt zhvillimit pa politikanë të korruptuar e të lidhur me krimin.
Të zgjedhurit në parlament, në qeveri dhe në bashki duhet të jenë shërbëtorë vetëm të interesave të qytetarëve. Edi Rama futi në politikë modelin e politikanit gangster, që rri në pushtet në aleancë me krimin. Ky model duhet zhbërë përmes vetingut në politikë. Shqiptarët meritojnë të qeverisen nga politikanë me integritet.
#vettingnëpolitikë
