A do jetoje me vjehrrën? "Kush i do plakat sot", tha një qytetar, " Nusja ta respektojë vjehrrën ", thotë një tjetër
Nga OraNews Përditësimi i fundit 1 Nëntor 2021, 09:06
Tradita shqiptare kërkon që babai dhe nëna e djalit të jetojnë në të njëjtën shtëpi me të birin dhe nusen. Por a vazhdon të respektohet ende ky zakon nga e kaluara?
A do jetoje me vjehrrën dhe me vjehrrin? A ka më vajza që jetojnë me vjehrrën dhe me vjehrrin?
Kjo ishte tema e rubrikës Vox Pop me Enkin në emisionin "Ditë e Re" në Rtv Ora.
Mesa duket për disa qytetarët jetesa me vjehrrin dhe vjehrrën është diçka normale për deri sa të dyja palët gjejnë gjuhën e përbashkët midis tyre dhe i zgjidhin problemet nëpërmjet dialogut.
Gjithashtu një pjesë e qytetarëve u shprehën se nusja dhe vjehrra e duan njëra - tjetrën për interes.
"Nusja duhet ta respektojë vjehrrën, t'i flasë me edukatë", tha një qytetare.
"Kush i do plakat sot? Secili të jetojë më vete", tha një tjetër.
