Aksident në Durrës, "Audi" përplaset me "Golfin" , plagosen 4 persona
Nga OraNews Përditësimi i fundit 31 Tetor 2021, 17:23
Një aksident është regjistruar pasditen e sotme në aksin rrugor Shijak-Hardhishte, ku si pasojë 4 persona kanë mbetur të lënduar.
Policia e Durrësit bën me dije se mjeti tip "Audi" me drejtues shtetasin E. P., është përplasur me mjetin tip "Golf" me drejtuese shtetasen O. Ç.
Si pasojë e përplasjes është dëmtuar drejtuesja e mjetit dhe 3 pasagjerë të tjerë që ndodheshin në mjetin tip "Glof".
Të katër të plagosurit ndodhen nën kujdesin e mjekëve, jashtë rrezikut për jetën.
Grupi hetimor ndodhet në vendngjarje dhe po punon për zbardhjen e rrethanave të aksidentit.
