U kërkoi klientëve certifikatat e vaksinimit, pronari i tavernës sulmon pedagogun: Më grisën këmishën e më kërcënuan
Nga OraNews Përditësimi i fundit 30 Tetor 2021, 20:41
Një pedagog i pneumonologjisë ra viktimë e një sulmi nga pronari i një taverne, për shkak se u kërkoi klientëve certifikatat e vaksinimit kundër koronavirusit.
Ngjarja ka ndodhur mbrëmjen e sotme, ( 30 shtator) në Greqi.
Profesori, Theodhoros Vasilakopoulos, tha për mediet greke se ndodhej bashkë me 20-25 mjekë pneumonologë në një tavernë në Kastraki të Kalampakës, ku u sulmua nga pronari i tavernës dhe djali i tij.
Duke folur për buletinin e lajmeve MEGA ai tha: "Na përzunë pasi më shanë, më rrëzuan, më grisën këmishën, më kërcënuan se do të vinin të më gjenin në spitalin ku punoj në Athinë dhe se do më digjnin makinën”, tha ai pedagogu i tronditur.
I pyetur se kush e ka sulmuar, ai ka fajësuar pronarin e tavernës dhe djalin e tij, duke thënë se ka lajmëruar policinë dhe kur kanë mbërritur patrullat kanë regjistruar ngjarjen, është ngritur padi dhe çështja është vënë para drejtësisë.
