Video/ Prezantohet motoçikleta e parë fluturuese, do të kushtojë 600 mijë dollarë
Nga OraNews Përditësimi i fundit 27 Tetor 2021, 09:02
Një motoçikletë fluturuese, e cila mund të fluturojë me 60 milje në orë (100 km/h) do të dalë në shitje për rreth 600 mijë dollarë vitin e ardhshëm.
'Xturismo', ideja e startup-it Ali Technologies të dronëve me bazë në Tokio u zbulua gjatë një fluturimi testues në një pistë të zbrazët hipodromi në rrëzë të malit Fuji.
Firma po planifikon të prodhojë një seri të kufizuar prej 200 motoçikletash në gjysmën e parë të vitit 2022 dhe secila prej tyre peshon 300 kg.
Krahas përdorimit si pjesë e aktiviteteve të kohës së lirë, biçikleta ka potencial për të ndihmuar në shpëtimin e njerëzve nga aksidentet në det, tha dje një deputet japonez.
Fluturimi demonstrues, pa Xturismo të ngrihej disa metra mbi tokë dhe të rrëshqiste mbi hipodrom për rreth 1 minutë e gjysmë.
"Ne do të donim të propozonim një stil të ri jetese me këtë automjet lundrues," tha CEO i ALI Technologies.
Xturismo mbahet lart nga dy helika kryesore të cilat ndodhen aty ku do të ishin rrotat në një motoçikletë të zakonshme.
Katër helika ndihmëse janë të vendosura në cepat e mjetit të cilat sigurojnë stabilizimin.
Sipas ALI Technologies, Xturismo përdor të njëjtën teknologji të kontrollit të lartësisë që firma përdor tashmë në dronët e saj pa pilot, duke siguruar një fluturim të qetë kur është në lartësi.
