Franca dhuron pajisje operacionale për Policinë e Shtetit, Nano: Do përdoren për të goditur krimin
Nga OraNews Përditësimi i fundit 21 Tetor 2021, 13:20
Ambasada Franceze i dhuroi sot Shqipërisë, pajisje operacionale për punonjësit e policisë së shtetit.
Dorëzimi i pajisjeve operacionale u bë nga vetë ambasadorja e Francës në Shqipëri, Elisabeth Barsacq.
Drejtorit të Përgjithshëm të Policisë së Shtetit, Gledis Nano u shpreh mirënjohës për këtë veprim, duke theksuar se pasjisjet do përdoren për pandalimin dhe goditjen e krimit.
“Mirënjohje për këtë ndihmë të vlefshme për strukturat operacionale në Policinë e Shtetit dhe për trajnimin e kryer. Ju siguroj se këto pajisje do të përdoren me profesionalizëm për të parandaluar dhe goditur krimin.
Faleminderit për mbështetjen e deritanishme, me bindjen se edhe në të ardhmen do të kemi akoma më shumë bashkëpunim dhe mbështetje nga ambasada dhe Policia franceze.
Përfitoj nga rasti që të falënderoj jo vetëm kolegët në sallë, por të gjithë ata që punojnë me përkushtim në terren dhe përballen përditë me rrezikun dhe vështirësitë, duke i siguruar se kanë mbështetjen time të palëkundur për të qëndruar në krah të atyre që zbatojnë ligjin dhe vetëm ligjin”, tha Nano.
I pranishëm në ceremoninë e dhurimit ishte edhe zv/ministri i Brendshëm Besfort Lamallari, i cili e ka falënderuar ambasadoren franceze dhe është shprehur se çdo donacion i dhuruar është shprehje e besimit të shtuar për Policinë e Shtetit.
Ambasadorja Barsacq e ka uruar Drejtorin e Përgjithshëm për detyrën e re dhe konfirmoi zotimin dhe angazhimin për mbështetje për forcimin e mëtejshëm të kapaciteteve teknike dhe logjistike të Policisë së Shtetit./Ora News/
