Shkak qentë, konflikt me sende të forta mes dy komshinjve në Vlorë
Nga Edi Ruçi Përditësimi i fundit 17 Tetor 2021, 15:11
Një konflikt me sende të forta ka ndodhur mes dy komshinjve në Vlorë.
Burime për Ora News, bëjnë me dije se ngjarja ka ndodhur nëlagjen “10 Korriku”. Dyshohet se për motive të dobëta, janë konfliktuar me sende të forta me njeri-tjetrin shtetasit I. H., 35 vjeç dhe D. A., 54 vjeç të dy banues në Vlorë.
Dy qentë e tyre janë zënë me njëri-tjetrin, ndërkohë dy pronarët e tyre kanë shkuar për t’i ndarë por kanë përfunduar duke u zënë vetë.
Dy komshinjtë janë dëmtuar nga sherri me grushte, shkelma i cili ka gjeneruar në përdorimin e sendeve të forta.
"Më datë 17.10.2021, rreth orës 14:55, në lagjen “10 Korriku”, dyshohet se për motive të dobëta, janë konfliktuar me sende të forta me njeri-tjetrin shtetasit I. H., 35 vjeç dhe D. A., 54 vjeç të dy banues në Vlorë.
Si pasojë është dëmtuar shtetasi D. A, i cili ndodhet në Spitalin e Vlorës, jashtë rrezikut për jetën, ndërkohë shtetasi I. H, është shoqëruar në ambientet e Komisariatit të Policisë Vlorë, për veprime të mëtejshme.'- njofton policia e Vlorës.
Pasi kanë marrë ndihmën e parë mjekësore të dy komshinjtë janë në komisariatin e Vlorës që po merren në pyetje në lidhje me ngjarjen.
Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.
