Politizohet “Covidi”, protesta masive në Itali, akuza të ndërsjella për fashizëm
Nga OraNews Përditësimi i fundit 16 Tetor 2021, 21:40
Italia është kapluar nga protesta të mëdha të qytetarëve ndërsa situate politike është polarizuar. Shumë të djathtë, mes të cilëve edhe ekstremistë, kanë protestuar kundër rregullave të Koronavirusit, duke e cilësuar diktaturë fashiste. Por edhe të majtët italianë kanë dalë në protestë për të thënë se fashistët po vijnë në pushtet me protestat e tyre.
Mijëra qytetarë italianë kanë dalë në protestë këtë të dielë për të kundërshtuar sipas tyre fashizmin.
Të majtët dhe të djathtët italianë janë të ndarë sa i përket masave kundër Koronavirusit. Pajisja me karton të gjelbërt për të shkuar në punë dhe vaksinimi i detyrueshëm kundërshtohet nga grupe të mëdha qytetarësh, që po cilësohen fashistë. Protestat e tyre javën e kaluar përshkallëzuan në dhunë.
Anëtarët e parties Forza Nuova, e cilësuar radikale e të krahut të djathtë dhe grupe të tjera qytetarësh, sulmuan selinë e Konfederatës së Përgjithshme të Punës të Italisë, sindikata më e vjetër në vend, dhe hynë në ambientet e brendshme të saj. Policia arrestoi 12 persona, mes tyre dy drejtues të ekstremit të djathtë.
Ndërkohë, këtë të shtunë, si kundërpërgjigje, demokratët e qendrës së majtë italiane së bashku me organizma të tjerë sindikalë mbajtën një protestë ku thirrjet kryesore ishin për për ndalimin e së djathtës ekstreme sipas tyre.
Duke mbajtur pankarta ku shkruhej "Kurrë më Fashizëm", protestuesit në Piazza San Giovanni - një shesh historikisht i lidhur me të majtën - bënë thirrje për ndalimin e grupit neofashist Forza Nuova, sipas tyre.
Protesta e të majtëve italianë u mbajt në një datë historike, që përkoi me 78 vjetorin e sulmit nazist në geton hebraike në Romë. Mbi 1.000 hebrenj, përfshirë 200 fëmijë, u mblodhën në agim të 16 tetorit 1943 dhe u dëbuan në kampin e përqendrimit në Aushvic.
