Video/ Vrasja e deputetit në Britani, policia e konsideron akt terrorist

Nga OraNews Përditësimi i fundit 16 Tetor 2021, 07:38

Sulmi me thikë në Essex që i kushtoi jetën deputetit konservator, David Ames, tani konsiderohet një akt terrorist, njoftoi policia britanike sot.

"Rezultatet e para të hetimit tregojnë se motivi është potencialisht i lidhur me ekstremizmin islamik," thuhet në deklaratëv për shtyp të policisë të publikuar në orët e para të mëngjesit sot

Sir David u sulmua disa herë me thikë gjatë një takimi elektoral të premten (15 tetor).

Deputeti u plagos në kishën në Leigh-on-Sea, dhe ka vdekur në spital pasi nuk u mbijetoi dot plagëve të marra.

Në dekadat e fundit ka pasur një numër sulmesh ndaj politikanëve në Britani.

“Të gjithë janë të tronditur dhe të pikëlluar nga vdekja e Sir David Amess. Ai ishte një nga njerëzit më të mirë në politikë," tha kryeministri britanik Boris Johnson.

Një 25-vjeçar britanik u arrestua në vendngjarje nën dyshimin për vrasje dhe policia tha se nuk po kërkonte askënd tjetër për vdekjen.