Skandal në Angli/43 mijë njerëz dyshohet të kenë marrë rezultate të rreme nga testi PCR i Covid

Nga OraNews Përditësimi i fundit 15 Tetor 2021, 11:42

43,000 njerëzve mund t'iu janë dhënë rezultate të gabuara të testit PCR në një laborator në Angli.

Si rrjedhojë, Shërbimi Shëndetësor Kombëtar (NHS) ka pezulluar testet e Covid në laborator, pasi dyshohet se 43,000 njerëzve iu është dhënë rezultati i rremë.

BBC raporton se laboratori ndodhet në Immensa Health Clinic Ltd në Wolverhampton.

Cilat zona preken? 

Shumica e të prekurve ndodhen në Anglinë jug-perëndimore, gjithashtu mund të jenë prekur edhe banorë në Anglinë juglindore dhe në Uells.

Kur ka ndodhur?

Agjencia e Sigurisë Shëndetësore në Mbretërinë e Bashkuar (UKHSA) thotë se të prekurve iu dhanë rezultatet midis 8 shtatorit dhe 12 tetorit. Në vendin e testimit të Newbury Showground, këshilli thotë se çështjet prekin njerëzit që kanë bërë një test PCR midis 3 dhe 12 tetorit.

Çfarë e shkaktoi problemin?

UKHSA thotë se po punon për të përcaktuar çështjet teknike në laborator që rezultuan në rezultate të pasakta të PCR./Ora News/