Zjarr i madh në Borizanë të Fushë Krujës, flakët afrohen pranë fabrikës së çimentos
Nga OraNews Përditësimi i fundit 23 Shtator 2021, 19:54
Zjarrfikëset kanë arritur të fikin një zjarr në fshatin Derven, ndërsa një vatër e re zjarri regjistrohet në fshatrat e Fushë Krujës.
Zjarri ka rënë në kodrat e fshatit Borizanë në afërsi të fabrikës se çimentos Titan.
Flakët janë rreth 100 metra larg rrethimit të fabrikës dhe vijon të përparojë duke djegur pisha, shkozë e shkurre të ndryshme.
Ndërkohë, dy mjete zjarrfikëse të repartit të Krujës janë në vendngjarje, por terreni i thyer dhe mungesa e rrugës e bën të pamundur ndërhyrjen e mjeteve.
Sipërfaqja e djegur deri tani është mbi 5 hektarë dhe zjarri avancon i favorizuar edhe nga era e cila sot nuk ka pushuar për asnjë moment.
