Ministrave u ndalohen kafet në ditët e punës. Herën e parë kërkon ndjesë publike, herën tjetër ikën nga qeveria
Nga OraNews Përditësimi i fundit 18 Shtator 2021, 10:46
Kryeministri Edi Rama mbledh ministrat dhe u lexon kodin etik në mbledhjen e parë të qeverisë mbajtur paraditen e 18 shtatorit 2021, pak minuta pasi u bë betimi tek presidenti Ilir Meta.
Teksti i Kodit Etik është miratuar në shtator 2013 por do i shtohet edhe disa pika të tjera në formë aneksi. Kodi i ri etik do miratohet në mbledhjen e tretë të qeverisë
Çdo anëtar i kabinetit duhet të zotohet për respektimin me besnikëri të Kodit Etik duke marrë përgjegjësinë personale të tij.
Nuk duhet
-Asnjë anëtar i qeverisë nuk duhet të udhëtojë me biznes klas
-Nuk mund të shkojë me pushime jashtë shtetit
-Të shkojnë në kafene apo të darkojnë në restorant gjatë ditëve të punës. Në raste të vecanta të njoftojnë kryeministrinë.
-Ministrat nuk mund të pranojnë bileta udhëtimi të paguara nga kompanitë private, as për vete e as familjen
-Bashkëshortët e anëtarëve të kabinetit apo fëmijëve të tyre nuk mund të përdorin sallën vip të aeroportit nëse nuk lëvizin bashkë me ministrin përkatës
-Makinat e anëtarëve të qeverisë duhet të respektojnë rregullat e qarkullimit
-Ndalimi për të shkuar në restorant e kafene në ditët e punës nuk është zbatuar.
"Qeveria ka një kod etik dhe ky kod etik nuk është vetëm kornizë normash por mënyrë jetese të cdo ministri. Në rastin e parë të mos respektimit të kodit etik ministri përgjegjës kërkon ndjesë publike, rastin e dytë duhet të lirojë vendin në tryezë. Kjo kornizë vlen edhe për mua" tha Rama.
