Çelaj: Vaksinimi s’të mbron nga riinfektimi, por ulë vdekshmërinë dhe simptomat e rënda
Nga OraNews Përditësimi i fundit 17 Shtator 2021, 19:59
Në një intervistë për Ora News, me gazetaren Matilda Mcini, mjeku Sulejman Çelaj, tha se vaksinimi nuk mbron nga riinfektimi, por ulë rastet e vdekshmërisë dhe simptomat e rënda.
Ai tha se e rëndësishme është që njerëzit në moshë të thyer dhe me probleme shëndetësore duhet të vaksinohen.
Çelaj:Vaksinimi nuk mbron nga riinfektimi, por zbut dhe ulë dukshëm vdekshmërinë dhe simptomat e rënda të Covid-19. Prandaj është me rëndësi që njerëzit në moshë të thyer të vaksinohen, në mënyrë që të ulin vdekshmërinë. Asnjëra nga vaksinat nuk ka imunitetin dhe parandalimin e infektimit, por kryesisht ka qenë zbutja e simptomave dhe zvogëlimi i vdekshmërisë.
Në lidhje me vaksinimin e fëmijëve, ai tha se duhet bërë një studim i gjerë, pasi deri më tani në të gjithë botën 300 fëmijë kanë humbur jetën nga pasojat e Covid-19.
Çelaj: Në të gjithë botën nuk kemi më shumë se 300 fëmijë që kanë vdekur, por nuk është e vërtetuar se kanë vdekur nga Covid-19, por nga pasojat e Covid-19. Fillimisht vaksina e parë që e lejua dhe u aprovua ka qenë e mbështetur në një studim në Izrael. Por prapë është një numër shumë i vogël. Vdekshmëria është më e vogël se 0.0001% për fëmijët. Duhet bërë një studim me shifra gjigante me shifra mijëra, fëmijë që duhet të studiohet që me të vërtetë ka benefite edhe për fëmijët./Ora News/
Përgatiti për online Anila Kolgjini.
