Qytetarët e konsiderojnë të vonuar vendimin për autobusët: Po të kishte shtet nuk bëhej kjo rrumpallë!
Nga OraNews Përditësimi i fundit 14 Shtator 2021, 19:02
Bashkia e Tiranës i ka hequr licencën kompanisë që menaxhon linjën e urbanëve të Unazës në kryeqytet.
Vendimi është marrë pas abuzimeve gjatë kohës së pandemisë. Por a ishte i vonuar ky vendim?
"Të marrin masa ata që bëjnë politika por e kanë mendjen te karrigia e vet."
Qytetarët thonë se si Unaza pothuajse njësoj janë të gjitha linjat e urbanëve, ku masat anti-Covid nuk respektohen.
"Të gjithë njësoj janë."
"Nuk respektohen."
"Po të kishte shtet nuk bëhej kjo rrumpallë."
"Nuk ka kontrolle."
Gjatë një vëzhgimi të bërë këtë të martë, u pa se në autobusë ka qytetarë me dhe pa maska, duke neglizhuar rrezikun e përhapjes së infektimeve.
Ora News shpesh e ka ngritur shqetësimin e moskontrolleve nga ana e institucioneve për transportin urban që mbetet një ndër vatrat kryesore të infeksionit me Covid 19.
