Pamje/ Kontrollet me qen antidrogë në banesat tek Parku, Yzberisht dhe Kombinat, u gjetën dhe 11 mijë euro
Nga OraNews Përditësimi i fundit 21 Gusht 2021, 14:22
SHÇBA publikoi pamjet e kontrollit të banesave të grupit të arrestuar për shpërndarje të lëndëve narkotike kokainë e hashash nëpër disa lagje kryesore të Tiranës.
Mes 5 të arrestuarve është edhe një efektiv i RENEA-s.
Policia ka ushtruar kontrolle në disa banesa tek “ish Parku i Autobusëve, në Yzberisht tek “Çabejt” dhe në Kombinat.
Kontrollet janë bërë dhe me qen antidrogë. Nga video e publikuar duket që banesat të cilat duket se përdoreshin dhe për përpunimin e lëndës narkotike u gjetën dhe peshore dhe materiale që shërbenin për ndarjen dhe paketimin e lëndës narkotike;
Gjithashtu u gjetnë dhe 11 mijë euro si dhe dy pistoleta dhe një granatë dore.
Cfare u gjet
Nga kontrolli i realizuar në ambiente dhe banesat që dispononin u gjetën dhe sekuestruan në cilësinë e provave materiale sende dhe objekte të kundraligjshme si më poshtë:
- 434 gr kokainë;
- 576 gr kanabis, e ambalazhuar;
- 100.6 gr lëndë narkotike e llojit “Ekstazy” e ambalazhuar;
- 18.2 gr fara të dyshuara për kultivimin e bimëve narkotike;
- 7 peshore dhe materiale që shërbenin për ndarjen dhe paketimin e lëndës narkotike;
- Vlera monetare 11,890 euro;
- 3 armë zjarri të llojit pistoletë të markave BRUNI e GLOCK;
- Një krehër metalik brenda së cilës ndodheshin 20 fishekë Mod 56;
- 219 fishekë luftarakë të llojeve të ndryshme;
- 1 automjet tip Benz;
- 7 aparate celularë;
- Një pajisje me mbishkrimin “GRANADE FLASH-BANG BRZ-M93 P1 TM-1403”, së bashku me mekanizmin e saj metalik tip mashe;
- 2 motoçikleta (pa targa).
Te arrestuarit
Një efektiv i forcave speciale RENEA është arrestuar të premten, 20 gusht, si pjesë e një grupi që shpërndante dhe shiste drogë në kryeqytet. Katër të arrestuarit e tjerë, janë Jurgen Vaid Luli 30 vjeç; Gertjan Harapi, 26 vjeç; Gevi Spahia, 27 vjeç; Ergi Sal, 26 vjeç.
