Bilanci i zjarrit mbi tunelin e Kalimashit: Mbi 220 ha tokë e bërë shkrumb e hi
Nga OraNews Përditësimi i fundit 10 Gusht 2021, 11:59
Prefekti i Kukësit Zenel Kuçana zbulon detaje nga operacioni i mbrëmshëm në luftën me flakët mbi tunelin e Kalimashit ndërsa forcat janë vendosur sot në Malzi për shuarjen e flakëve atje
Ai siguroi që në një asnjë moment nuk është ndërprerë lëvizja e makinave në tunelin e Kalimashit.
“Deri në 03:00 të mëngjesit vijoi puna, ndërsa sot në mëngjes nisi puna në njësinë administrative Malzi, në lakun e thive, lakun e qershive. Një helikopter deri tani ka bërë 9 rrugë dhe zjarri u vu nën kontrol. 66 efektivë e 9 zjarrfikëse janë future në operacion në Malzi. Shumë shpejt zjarret do vihen nën kontroll.”
Kuçana tregoi se era e fuqishme ndihmoi mbrëmë në përhapjen e flakëve duke shkaktuar dhe situatën alarmante.
“Ishte një erë shumë e fuqishme e cila ndihmoi përhapjen e zjarrit. Në momentin që shuhej zjarri e shkoje në një vatër tjetër, riaktivizohej vatra e parë”
Bilanci paraprak?
“Janë 220 ha të djegura me shkurre e pyje” thotë ai.
