Përkeqësohet situata në Vlorë/ Era bën të pamundur ndërhyrjen nga ajri për shuarjen e zjarrit në Karaburun
Nga Edi Ruçi Përditësimi i fundit 5 Gusht 2021, 09:34
Era e fortë dhe me drejtim nga jugu ka bërë që situata e zjarrit në malin e Karaburunit të përkeqësohet dhe pikërisht pjesa mbi Gjirin e Gramës që lidhet me Llogaranë .
Sipas ADZM, situata po përkeqësohet me nisjen e erës që fryn nga jugu duke bërë që flakët e zjarrit të përparojnë në pjesën e malit dhe po i afrohen pjesës halore dhe me pisha.
Era e fortë që fryn në malin e Karaburunit e bën të pamundur ndërhyrjen nga ajri me helikopter pasi dhe këta të fundit rrezikojnë.
Forcat e Armatosura do mundohen ta mbajnë situatën nën kontroll me mjete rrethanore.
Sakaq forca të shumta janë drejtuar drejt malit, por deri tani raportohet situatë e vështirë. Ndërkohë mbi fshatin Dukat i Ri janë aktive tre vatra zjarri.
