Ceremoni zyrtare për medalistet, Kosova mirëpret vajzat e arta të Xhudos, në aeroport dhe Kurti
Nga OraNews Përditësimi i fundit 2 Gusht 2021, 21:40
Një ceremoni siç e meritojnë për dy kampione olimpike, për tre vajza që kanë bërë historinë e Kosovës dhe për të gjithë ekipin olimpik të Xhudos.
Në aeroportin e Prishtinës ishte kryeministri Kurti me bashkëshorten teksa në skenën e ngritiur enkas u ngjitën edhe heroinat e Kosovës me të gjithë ekipin e xhudos.
Ishte trajneri Kuka, arkitekti që përgatiti luftëtaret dardane ai që foli me lêvdata për ta dhe falenderoi të gjithë për mbështetjen e madhe.
"Falënderoj të gjithë për mikpritjen, edhe kryeministrin Kurti. Në Olimpiadën e Tokios kemi shkuar me pesë garues. Medaljet e fituar në Olimpiadën e Tokios, janë mrekullia vet; janë një medalje që na lumturojnë, por nuk na befasojnë. Majlinda Kelmendi ishte boshti dhe shtylla e ekipit, edhe pse nuk pati fat në garën e saj. Ajo mbetet e para që ka hapur rrugën e Kosovës për medalje. Falënderoj të gjithë ata që ishin pjesë e ekipit që kanë kontribuar në njërën apo tjetrën mënyrë në arritjen e rezultateve, duke filluar prej familjeve tona, pastaj edhe qeverinë dhe federatën" u shpreh Driton Kula në fjalën e tij.
Ndërkohë që edhe Nora e Artë e Olimpiadës mori fjalën në ceremoni.
“Faleminderit edhe klubit të xhudos “Ipon”, faleminderit edhe popullit të Kosovës dhe kjo medalje është për të gjithë popullin e Kosovës”, ishte mesazhi i shkurtër i kampiones së freskët olimpike.
