Kosova me dy medalje të arta, Vjosa Osmani: Në këtë dite zie për popullin tonë, Nora Gjakova i solli dritë Kosovës
Nga OraNews Përditësimi i fundit 26 Korrik 2021, 12:39
Xhudistja nga Kosova, Nora Gjakova u shpall sot, kampione olimpike, duke mposhtur një rivale të fortë nga një vend me traditë në Xhudo si Franca, teksa dominoi rivalen Cysique me Ippon duke mos e diskutuar në asnjë moment suksesin që na fillimi deri në fund.
Menjëherë pas triumfit, presidentja e Kosovës, Vjosa Osmani, reagoi nëpërmjet një postimi në rrhetet sociale, duke uruar dhe falënderuar xhudisten kosovare për Medaljen e Artë.
Vjosa Osmani nis urimin, duke iu referuar aksidentit tragjik që ndodhi dje në Koroaci, ku humbën jetën 10 persona nga Kosova. "Në këtë dite zie për popullin tonë, Nora Gjakova i solli dritë Kosovës", ka shkruar presidentja në Facebbok.
Postimi i plotë:
"Në këtë dite zie për popullin tonë, Nora Gjakova i solli dritë Kosovës.
Faleminderit Nora e artë, që duke ecur rrugës së Majlindës e Distrias po i jepni motiv një populli të tërë për t’u ringritur edhe në vështirësi.
Xhudistet tona po arrijnë majat që shumë shtete i kanë ëndërruar. Ato janë epiteti më i mirë i Kosovës së ditëve tona. Përzemërsisht, ju faleminderit!"
Pas Distria Krasniqit është Nora Gjakova që shkruan emrin në historinë e Kosovës dhe të sportit dardan, duke u bërë e dyta për Kosovën në një Olimpiadë.
