E rëndë! Përmbytjet në Gjermani i marrin jetën shqiptares nga Kosova
Nga OraNews Përditësimi i fundit 19 Korrik 2021, 22:31
Një shqiptare ka humbur jetën në Gjermani si pasojë e motit të keq që prej ditësh ka ‘pushtuar’ Gjermaninë.
Mësohet se ka mbetur e vdekur Vanesa Koxha nga Kaçaniku i Kosovës.
Lajmin e trishtë e ka dhënë një familjar i saj, i cili njofton se ajo ka humbur jetën si pasojë e furtunës që goditi Gjermaninë.
“Me pikëllim të thellë ju njoftojmë se vajza jonë, Vanesa Koxha, ndërroi jetë në vërshimin tragjik në Gjermani dhe varrimi bëhet këtu në Gjermani”, ka shkruar Emin Koxha.
Si pasojë e përmbytjeve në Gjermani, ku deri më tani kanë mbetur të vdekur më shumë se 150 persona, ka humbur jetën edhe një çift nga Peja.
