Përfshihet nga flakët pylli i Gjorgozit në Patos
Nga Inelda Vallja Përditësimi i fundit 17 Korrik 2021, 16:34
Pylli i Gjorgozit në Patos është përfshirë nga flaket.
Zjarri është përhapur në një sipërfaqe të mbjellë me ullishte në këtë zonë.
Si pasojë e flakëve të shumta rrezikohet që zjarri të kalojë edhe në zonën e Cakranit.
Përveç sipërfaqes me ullinj, zjarri ka përfshirë edhe pyllin me pisha.
Për shkak të erës dhe terrenit të thyer forcat zjarrfikëse po hasin vështirësi për shuarjen e tij.
Nuk dihet ende shkaku i rënies së zjarrit.
Në vendin e ngjarjes kanë shkuar forcat zjarrfikëse nga Fieri, Patosi dhe Roskoveci.
