Policia greke shkatërron bandën që vidhte ATM-të e bankave me shpërthim eksplozivi
Nga OraNews Përditësimi i fundit 9 Korrik 2021, 22:52
Policia greke ka shkatërruar një bandë të organizuar që hidhte në erë ATM-të e bankave në Atikë dhe Korint. Në këtë mënyrë ata përllogaritet të kenë përvetësuar 1,170,000 euro.
Vjedhjet me ATM u kryen duke përdorur gazra të ndezshëm ose eksplozivë. Sipas autoriteteve banda ishte aktive prej 2018, e përfshirë në vjedhje makinash, ndërsa anëtarët e saj lëviznin në mënyrë profesionale.
Në operacionin e sotëm ranë në pranga tre persona me origjinë të huaj, të moshës 30, 33 dhe 45 vjeç, anëtarë të organizatës.
Fillimisht për grabitjen e ATM-ve përdorinin gazra të ndezshëm. Po pas përpjekjeve të pasuksesshme të vjedhjes, gjatë të cilave ata kryenin shpërthimin por nuk arrinin të tërhiqnin paratë, e përmirësuan mënyrën e tyre të veprimit dhe filluan të kryejnë shpërthimet me një eksploziv të fortë që ata e vendosnin brenda ATM.
Për grabitjet ata përdornin makina të vjedhura, të cilat më pas i digjnin. Ndërsa vetë ishin gjithnjë të veshur me kapuç dhe doreza, në mënyrë që të mos njiheshin nga kamerat dhe të mos linin gjurmë.
Malta mbyll kufijtë për udhëtarët e pavaksinuar
9 Korrik, 22:42
Gjatë kontrollit të banesave iu gjetën dhe konfiskuan bombola gazi, kabllo elektrike, fitila, pistoleta, gëzhoja, një sasi e vogël kanabisi, një numër orësh, telefona celularë dhe karta SIM. .
Nga hetimi i deritanishëm, është konstatuar pjesëmarrja e të akuzuarve në 11 vjedhje dhe 15 tentativa për vjedhje të ATM-ve në zona të ndryshme të Atikës dhe Korintit.
Konkretisht 14 vjedhje makinash dhe 5 vjedhje të targave të automjeteve. Theksohet se autorët janë akuzuar në të kaluarën për një numër krimesh.
Të arrestuarit u dërguan në Prokurorinë Publike të Athinës, ndërsa hetimet për hetimin e çështjeve të tjera të ngjashme vazhdojnë.
Lideri i rrezikshëm i bandës
Banda e kriminelëve që ra në duart e policisë së Departamentit të Vjedhjeve të Sigurisë së Atikës ishte jashtëzakonisht e rrezikshme. Ajo përbëhej nga tre persona, përfshirë një "gjysh" me të dhëna kriminalistike dhe mjaft i njohur për policinë.
46-vjeçari u arrestua në Prill 2013 si bashkëpunëtor i një prej kriminelëve më famëkeq, vëllai i të cilit ishte madje edhe në ilegalitet për shumë vite.
Kur policia hyri në shtëpinë e tij në Thrakomakedones gjeti pistoleta, gëzhoja, jelekë antiplumb, letërnjoftime të rreme, etj. Por kur kërkuan në një bodrum që ai merrte me qira në Ilion, policia mbeti e shtangur. Ata kishin gjetur dy makina luksoze Chevrolet dhe një makinë gare të improvizuar, e cila nuk dihet sikishte përfudnuar në duart e tij.
46-vjeçari duket se ka luajtur një rol udhëheqës në spiralen e çmontuar, ndërsa është karakteristikë është që në një nga 26 sulmet dhe përpjekjet për vjedhje të ATM-ve, ata nuk hezituan të kërcënonin një punonjës para një dyqani.
Konkretisht, më 16 maj 2019, ata shkaktuan një shpërthim në dy ATM të Alpha bank në zonën e Metamorfosi. Fillimisht ata goditën me makinë dritaren e degës së bankës, mjet të cilin më pas e braktisën.
Grabitësit morën paratë nga kutitë dhe u larguan. Por para se të largoheshin, ata u siguruan që armën e tyre t'ia tregonin një nëpunësi të furrës përballë, i cili kur dëgjoi zhurmën e madhe ai doli për të parë se çfarë po ndodhte.
