Mövenpick gati për turistët, hapet në Gjirin e Lalzit hoteli luksoz i rrjetit ndërkombëtar “Accor”
Nga Nertila Dosti Përditësimi i fundit 4 Korrik 2021, 12:38
Të shtunën në Gjirin e Lalzit në Durrës u inaugurua Hotel “Mövenpick”, i pari investim i markës ndërkombëtare “Accor” në Shqipëri. Ky hotel është një investim i Lura sh.p.k dhe përbëhet nga 80 dhoma të klasit të lartë.
Hoteli “Mövenpick”, i pari i rrjetit ndërkombëtar “Accor” në Shqipëri hapi dyert për turistët të shtunën e 3 korrikut.
Me një arkitekturë moderne ngritur buzë Adriatikut në Gjirin e Lalzit, “Mövenpick” premton të jetë një oaz përallor në bregdetin shqiptar.
Falë marrëveshjes së nënshkruar me Lura sh.p.k, ky hotel është një hap i madh për industrinë e turizmit.
Administratori i Lura Sh.p.k, Dod Doçi, thotë se “Mövenpick” është krijuar për t`ju ofruar pushuesve kushte komode, përvojë mbreslënëse dhe sigurisht mikpritjen e rrallë shqiptare.
Zëvendëpresidenti i “Accor” tha se ky investim do t’i sigurojë Shqipërisë një vend dhe më të mirë në hartën e industrisë botërore të turizmit.
Hoteli ka 80 dhoma të klasit të lartë, një restorant dhe një bar mahnitës.
Ka gjithashtu SPA, i pajisur me dhoma masazhi, avulli dhe kripe.
Të ftuarit do të kenë akses në palestrën dhe dy pishinat e hotelit.
