Përzgjedhja e hetuesve të BKH, mbyllet testimi për aftësitë fizike, kualifikohen 210 kandidatë
Nga OraNews Përditësimi i fundit 10 Qershor 2021, 17:58
Është mbyllur procesi i testimit për aftësitë fizike për kandidatët hetues në Byronë Kombëtare të Hetimit. Nga 325 kandidatë pjesëmarrës, testimin e Aftësive Fizike u kualifikuan vetëm 210 kandidatë dhe 115 kandidatë nuk kaluan në fazën tjetër.
Kandidatët e kualifikuar, në datën 15 Qershor, do t`i nënshtrohen Testit të Esesë me shkrim.
Testi i Esesë me shkrim do të zhvillohet në Pallatin e Kongreseve.
BKH në një njoftim bën me dije se Testimi i Aftësive Fizike u zhvillua nën vëzhgimin dhe monitorimin e Komisionit Ndërkombëtar të Ekspertëve, të caktuar nga misionet e Qeverisë së Shteteve të Bashkuara të Amerikës dhe Bashkimit Europian në Shqipëri.
