Zaptohen hapësirat publike në Tiranë, qytetarët: Duhet të ecim dredha-dredha
Nga OraNews Përditësimi i fundit 9 Qershor 2021, 20:08
Lokalet apo biznese të tjera private kanë pushtuar hapësirat publike në kryeqytet duke ngushtuar gjithnjë e më shumë trotuaret dhe hapësirën për qytetarët.
Për kalimtarët kjo situatë është shqetësuese në kushtet kur Tirana ka numrin më të madh të aksidenteve brenda qytetit.
"Kaloj nga rruga e makinës nganjëherë. Dy veta nuk kanë ku të kalojnë."
"Me zor, duhet të dalësh te rruga, është shumë keq. Bllokimi i trotuarit është shumë keq."
"Edhe jashtë kemi qenë, i kam parë, jo kështu, përibret."
"Pushteti vendor, ata e kanë detyrim".
"Ti heqin që të ecim lirshëm, tamam si njerëzit. Dredha-dredha, nuk ka siguri."
Më i vështirë bëhet kalimi në këto zona për nënat me karroca ose personat me aftësi të kufizuara.
Qytetarët thonë se aksionet për lirimin e hapësirave publike duhet të ishin marrë me kohë ndërsa për prezencën në terren në policisë pas zgjedhjeve e kanë një shpjegim.
"Tani i morën votat ata."
"Po heq ato plakat që nuk pengojnë njeri, shikoji ata matanë që kanë bllokuar gjithë trotuarin, pse nuk i heq ata por heq ato plakat që shesin këtu për 5 lekë."
"Nuk ke ku të kalosh."
Por edhe pse kryebashkiaku i Tiranës premtoi publikisht se nuk do të tolerojë dhe do të ndëshkojë këdo që zapton hapësirat publike, situata vijon të jetë e njëjtë në shumë zona të kryeqytetit.
