Siria shënon 500,000 viktima lufte për një dekadë

Nga OraNews Përditësimi i fundit 1 Qershor 2021, 13:23

Një dekadë  me luftime në Siri ka marrë jetën e gati gjysmë milioni njerëzve, tha Observatori Sirian për të Drejtat e Njeriut sot në një raport të ri, me më shumë se 100,000 viktima, vdekja e të cilave tani po konfirmohet nga organizata jo-qeveritare.

Konflikti shpërtheu në 2011 me shtypjen e demonstratave pro-demokratike nga Damasku dhe duke përfshirë shumë lojtarë rajonalë dhe fuqi të mëdha, me miliona njerëz që ikën në internim.

Intensiteti i luftimeve ka rënë që nga viti 2020, kryesisht për shkak të një armëpushimi në veriperëndim të Sirisë. Observatori Sirian për të Drejtat e Njeriut, një organizatë jo-qeveritare me bazë në Britani tha sot se 494,438 njerëz ishin vrarë që nga fillimi i luftës.

Regjistrimi i mëparshëm i Observatorit, i lëshuar në Mars, vendosi numrin e të vdekurve në 388,000. Që atëherë, Observatori ka qenë në gjendje të konfirmojë raportet e vdekjeve të 105,015 njerëzve të tjerë.

Drejtori i Observatorit, Rami Abdel Rahman, tha se pothuajse gjysma e viktimave ishin civilë (42,103), shumica e të cilëve vdiqën si rezultat i torturave në burgjet e regjimit.

"Shumica dërrmuese e këtyre vdekjeve ndodhën nga fundi i vitit 2012 deri në fund të vitit 2015," shtoi ai.