Hyn në fuqi armëpushimi midis Izraelit dhe Palestinës

Nga OraNews Përditësimi i fundit 21 Maj 2021, 08:36

Armëpushimi midis forcave të armatosura izraelite dhe ushtrisë së Hamasit, ka hyrë në fuqi ( në orën 02:00 lokale të së premtes), raporton BBC.

Armëpushimi filloi të premten, duke i dhënë fund 11 ditëve të bombardimeve, në të cilat më shumë se 240 njerëz kanë vdekur, shumica e tyre në Gaza.

Presidenti i SHBA Joe Biden tha se armëpushimi solli "mundësi të mirëfillta" për përparim.

Të enjten, më shumë se 100 sulme ajrore izraelite sulmuan infrastrukturën e Hamasit në veri të Gazës. Militantët lëshuan më shumë se 300 raketa drejt Izraelit gjatë ditës, tha ushtria izraelite.

Luftimet filluan në Gaza në 10 maj pas javë të tëra tensioni izraelito-palestinez në Jeruzalemin Lindor të okupuar, që kulmuan në përleshjet në një vend të shenjtë të nderuar nga myslimanët dhe hebrenjtë. Hamas filloi të qëllonte me raketa pasi paralajmëroi Izraelin të tërhiqej nga vendi, duke shkaktuar sulme ajrore hakmarrëse.

Të paktën 232 njerëz, përfshirë më shumë se 100 gra dhe fëmijë, janë vrarë në Gaza, sipas ministrisë së saj të shëndetësisë. Izraeli ka thënë të paktën 150 militantë janë vrarë në Gaza. Hamas nuk jep shifra të viktimave për luftëtarët.

Në Izrael 12 persona, përfshirë dy fëmijë, janë vrarë, thotë shërbimi i tij mjekësor. Izraeli thotë se rreth 4,000 raketa janë qëlluar drejt territorit të tij nga militantët në Gaza.