Video/ Gruaja e ambasadorit belg kërkon imunitet diplomatik, rrahu shitësen e dyqanit në Seul
Nga OraNews Përditësimi i fundit 18 Maj 2021, 22:31
Gruaja e ambasadorit të Belgjikës në Korenë e Jugut po kërkon imunitet diplomatik për të shmangur akuzat për sulm të dyshuar të stafit të dyqaneve në Seul, ka thënë policia.
Një video që është publikuar nga mediat e huaja shihet se gruaja e Peter Lescouhier, Xiang Xueqiu, godet me shuplakë një ndihmëse te dyqanit.
Stafi kishte dashur të kontrollonte rrobat që ajo po linte nëse ishin të sajat, për shkak të shqetësimit që ajo mund të ketë qenë duke vjedhur në dyqan.
Në lidhje me ngjarjen edhe Ambasadori ka kërkuar falje për reagimin "e papranueshëm" të gruas së tij.
Incidenti ndodhi më 9 Prill në një dyqan rrobash në Yongsan-gu, Seul.
Zonja Xiang, 63, kaloi rreth një orë duke provuar rroba para se të largohej.
Një anëtar i stafit e ndoqi atë ndërsa dilte nga dyqani për t'u siguruar që rrobat që ajo kishte veshur nuk ishin blerë rishtas dhe nuk ishin paguar.
Gruaja e ambasadorit raportohet të ketë ndjekur përsëri punonjësin në dyqan dhe, në një konfrontim të kapur nga kamerat, u duk të shtynte dhe të godiste një tjetër anëtar të stafit i cili u përpoq të ndërhynte.
Policia morri në pyetje zonjën Xiang më 6 maj. Ajo më parë ishte shtruar në spital pasi pësoi një goditje në tru, sipas ambasadës belge.
Gruaja e ambasadorit belg në Korenë e Jugut do të ushtrojë të drejtën e saj për imunitet diplomatik për të shmangur një padi për akuzat e rrahjes së dy punonjësve të dyqanit.
