Tërmeti në Greqi "shkundi" edhe Korçën, banorët tregojnë frikën: Ishte shumë i fuqishëm, dolëm jashtë
Nga Iris Rezhda Përditësimi i fundit 12 Maj 2021, 16:40
Një tërmet 4.7 ballë i rënë mbrëmjen e së martës në Greqi ka tronditur edhe banorët e qarkut te Korçës, ndërsa më të prekurit kanë qenë fshatrat e Devollit.
Mes ankthit e tmerrit të përjetur nga termetet e qershorit të 2019, dhe të nëntorit të 2020, banorët tregojnë tmerrin e përjetuar dhe kalimin e natës në qiell të hapur të martën.
"Ka rënë shumë i fuqishëm, lëkundjet ishin shumë të forta."
"Mbrëmë ra një tërmet shumë i tmerrshëm, lëkundjet ishin, të gjithë njerëzit dolën përjashta, nuk kishte guxim njeri të rrinte brenda."
Banorët në Idohovë janë prekur nga termetet e vitit 2019- 2020 dhe ende nuk kanë mundur të marrin shpërblime dhe rikonstruksione për banesat e tyre që janë bërë edhe të pabanueshme.
"Jemi ankuar dhe asnjë gjë."
"U shkëputa nga këtu se kishte dëmtime shumë të mëdha, nuk banohej."
"Shtëpia është dëmtuar."
Kryetari i bashkisë së Devollit, Eduart Duro, konfirmon dëmet, ndërsa shprehet se grupet e emergjencave kanë dalë në terren.
"Komisioni i Emergjencave Civile ka shkuar në terren dhe po bën verifikimet e mundshme. Unë jam në kontakt me ta dhe besoj se brenda ditës së sotshme do të kemi një raport të detajuar mbi dëmet që ka shkatuar ky tërmet."
