Aksident në Elbasan, makina përplas kalimtarin, drejt spitalit në gjendje të rëndë
Nga OraNews Përditësimi i fundit 10 Maj 2021, 17:44
Një aksident ka ndodhur këtë pasdite në aksin rrugor Elbasan-Tiranë, në vendin e quajtur “Rrethrrotullimi i Bradasheshit”.
Paraprakisht dyshohet se një makinë, në tentativë për të evituar përplasjen me një automjet tjetër, ka humbur drejtimin e lëvizjes dhe ka përfunduar jashtë rruge.
Për pasojë, makina ka aksidentuar një kalimtar, i cili ka mbetur i plagosur në gjendje të rëndë.
Policia ka mbërritur në vendngjarje, ndërsa i plagosuri nuk është transportuar ende për në spital.
