Tre aksidente brenda 10 minutave, plagosen tre persona
Nga OraNews Përditësimi i fundit 9 Maj 2021, 15:16
Tre aksidente kanë ndodhur brenda pak minutave ditën e sotme.
Policia bën me dije se, në rrugën “Gjin Bue Shpata” mjeti me drejtues I. S., ka përplasur biçiklistin shtetasin V. Sh., 65 vjeç, i cili ndodhet në spital, nën kujdesin e mjekëve.
Po ashtu bëhet e ditur se në Qafë Kashar mjeti me drejtues E. N., ka aksidentuar këmbësoren shtetasen B. J., 55 vjeç, e cila ndodhet në spital, nën kujdesin e mjekëve.
Një tjetër aksident është regjistruar në rrugën “Ndre Mjeda”, mjeti me drejtues shtetasin S. M., 40 vjeç, ka humbur kontrollin e mjetit dhe është përplasur me pemën. Ai aktualisht ndodhet në spital në kujdesin e mjekëve.
Grupi hetimor vijon punën për sqarimin e rrethanave të ngjarjes.
