Protestat në Francë, aktivistët lidhen me zinxhirë në gardhin para parlamentit
Nga OraNews Përditësimi i fundit 5 Maj 2021, 09:06
Dymbëdhjetë aktivistë nga lëvizja mjedisore"Extinction Rebellion" protestuan para parlamentit francez për klimën, duke u lidhur mënyrë simbolike me zinxhirë.
Ata u bënë thirrje deputetëve që të respektojnë 12 propozimet e braktisura nga Konventa e Klimës së Qytetarëve ndërsa projektligji për klimën po përgatitet të miratohet.
"Janë 12 njerëz të lidhur me zinxhirë pas nesh, ata përfaqësojnë dymbëdhjetë propozime shumë simbolike të Konventës së Qytetarëve për Klimën. Ne u dërguam çelësat deputetëve që të vijnë dhe të zgjidhin këta dymbëdhjetë njerëz dhe njëkohësisht të marrin 12 propozimet për klimën për ti shtyrë përpara."
