Video/ Sezoni “horror”, lojtarët e Schalkes sulmohen nga tifozët
Nga OraNews Përditësimi i fundit 21 Prill 2021, 13:02
Pas 33 vjetësh, Schalke 04 do të luajë në Bundesliga II teksa humbja me Arminia Bielefeld zyrtarizoi matematikisht rënien e klubit një kategori më poshtë.
Nuk ndodhte që nga viti 1988 diçka e tillë dhe sigurisht tifozët nuk e kanë pritur aspak mire madje kanë reaguar ashpër duke sulmuar skuadrën. Në kthim nga transferta, ultrasit e skuadrës kanë pritur autobusin e Huntelaar me shokë dhe pas një diskutimi verbal ka patur edhe përplasje fizike.
Pamjet tregojnë ultrasit që kishin pritur skuadrën në “Gelsenkirchen” dhe momente të mëdha tensioni ndërsa klubi reagoi duke e quajtur një situatë të tillë të papranueshme.
Sipas komunikatës së Schalkes, thuhet se disa tifozë kanë kaluar limitin me veprimet e tyre duke theksuar se klubi nuk do të pranojë asnjëherë që integriteti fizik i futbollistëve të vihet në rrezik.
Për Schalken nuk mjafton vetëm kjo situate pasi edhe ana financiare e klubit është e rëndë dhe rrezikon të përfundojë si Hamburgu me borxhe të mëdha dhe pamundësi për t’u rikthyer më në Bundesliga.
