Bledi Çuçi: Do i sjellim Gjirokastrës turistët

Nga OraNews Përditësimi i fundit 17 Prill 2021, 15:13

Drejtuesi politik i partisë socialiste në Gjirokastër shprehet i sigurt për marrjen e mandatit të tretë.

Në takimet e zhvilluara me mbështetësit, Bledi Çuçi shprehet se në tetë vite socialistët kanë mbajtur premtimet.

''Projekte të financuara. Kemi baypasin, një projekt gjigant. Një nga ato projekte që i vjen qytetit njëherë në njëqind vjet. Që do ta ridimensionojë sërish lëvizjen urbane, qarkullimin, trafikun urban.''

Çuçi theksoi se projektet në Gjirokastër do të vazhdojnë në mbështetje të turizmit

''Po e bëjmë ndërkohë Muzeun Etnografik. Me një nga kuratorët më të mëdhenj dhe më me zë në botë sot, Hernandez. E të gjitha këto plotësojnë buqetën, ofertën turistike për Gjirokastrën. E pra këto do sjellin turistët.''

Një tjetër pikë e fortë sipas çuçit është dhe vazhdimi i legalizimit të banesave informale.