Rama leksione për politikën: Vota ka një vlerë të madhe, vendoseni vetë se kush do ju qeverisë
Nga OraNews Përditësimi i fundit 14 Prill 2021, 15:26
"Do fitosh ti apo ne, kush do fitojë?
"Do fitojë populli shqiptar dhe pastaj do tiu nxjerrim edhe juve nga tuneli," tha Rama.
Pasi kaloi në tunelin e Rrugës së Arbrit, Edi Rama u frymëzua, që në takimin me të rinjtë e Burrelit, të jepte leksione mbi politikën. Duke e ndarë bërjen e politikës në të mirë dhe në të keqe, kryesocialisti nuk la pa bërë ndryshimin mes partisë që ai drejto dhe kundërshtarit të tij politik.
"Politika është e vetmja armë për të bërë gjërat që të vetëm nuk i bëjmë dot. Pa politikën jemi ujq që hamë njëri-tjetrin. Politika, sikundër politika e keqe nuk e bëri kurrë politika në shërbim të njerëzve, por e bëmë realitet dhe kur ne morëm detyrën situata ishte katastrofike," tha Rama.
Për herë të parë gjatë kësaj fushate elektorale ai u bëri thirrje të rinjve që me 25 prill t’u drejtohen kutive të votimit.
"Vota ka një vlerë ët madhe kur ti fatin tënd ja delegon të tjerëve, atëherë mos u qaj nëse fati yt është i keq," tha Rama.
Edhe pse ligji për amnistinë fiskale ka mbetur në sirtarët e qeverisë së Ramës nuk e kaloi “vettingun” e ndërkombëtarëve, lideri i mazhorancës për përfitim elektoral premton që paratë e investuara të emigrantëve nuk do të hasin në barriera shtetërore.
"Do t'iu bëjmë një amnisti fiskale direkte për kursimet e tyre për t;i sjellë pa ju kërkuar llogari se i kanë mbajtur në bankë, apo i kanë mbajtur poshtë jastëkut, mjafton të mos jenë para të krimit," vazhdoi ai.
Ashtu si në çdo takim tjetër premtimet e Opozitës i cilëson të njëjta me ato të firmave piramidale.
"Me këngë dhe me valle ky Xhaferi i premtonte njerëzve lekë," tha Rama.
