Gati për të shitur kokainën, Policia e Durrësit iu prish planet dy të rinjve nga Tirana
Nga OraNews Përditësimi i fundit 13 Prill 2021, 09:48
Policia e Durrësit iu prish planet dy të rinjve nga Tirana, të cilët po përgatiteshin për të shitur lëndë narkotike, e dyshuar kokainë, në lagjen nr.13 të qytetit bregdetar.
Në vijim të punës për parandalimin dhe goditjen e veprimtarisë kriminale në fushën e shpërndarjes së lëndëve narkotike, bazuar dhe në informacionet e siguruara në rrugë operative se në lagjen nr. 13, Durrës, 2 shtetas dispononin lëndë narkotike dhe po përgatiteshin për ta shitur atë në doza, organizuan punën dhe arrestuan në flagrancë shtetasit:
A. D., 30 vjeç dhe A. N., 34 vjeç, të dy banues në Tiranë.
Gjatë kontrollit të ushtruar në mjetin tip "Nissan" me drejtues shtetasin A. N., shërbimet e Policisë kanë gjetur një sasi prej 61.5 gr lëndë narkotike të dyshuar kokainë, e cila u sekuestrua në cilësinë e provës materiale.
