Rama udhëton nesër drejt Parisit, takim me Macron
Nga OraNews Përditësimi i fundit 21 Mars 2021, 21:05
Kryeministri Edi Rama do të udhëtojë nesër drejt Parisit ku do të takohet me presidentin e Francës, Emmanuel Macron.
Sipas asaj që publikon presidenca franceze, takimi Macron-Rama nis në orën 13:20.
Ende nuk dihet për çfarë do të diskutojnë Rama dhe presidenti francez, ndërsa mësohet se vizita vjen pas një ftese të kreut të Elysee.
Axhenda e plotë, publikuar nga presidenca franceze
Takimi i fundit mes Ramës dhe Macron në Paris daton më 15 Maj 2018, ndërsa duhet kujtuar se Franca është një ndër vendet anëtare të BE, skeptike sa i përket çeljes së negociatave me Shqipërinë.
Nuk duhet harruar se, një vizitë e tillë, në prag të nisjes zyrtare të fushatës në Shqipëri, do të përdoret edhe elektoralisht nga kryeministri Rama.
